狼隊水晶宮半場講和|東方日報

英超下游對決，由狼隊主場對水晶宮，狼隊剛不敵李斯特城，2連勝被中斷，今場自然踢得更加謹慎，水晶宮喺老帥鶴臣領軍下取得3勝1和，依家有37分望見家鄉，佢哋習慣謀定後動，近4仗全開半場和，今場6分波兩隊都會小心行事，半場和好路。（Now 623周三凌晨2時30分直播）

狼隊早前連贏車路士同賓福特，上仗對李城亦先入波，可惜最後反輸1比2，全失3分後現時得34分排14位，護級仲未夠數；至於水晶宮連場搶分後，依家比狼隊多3分，就快到安全線，相信今場雙方唔介意打和，半場和就更加穩陣。