英超：紐卡素火猛入球騷娛賓_東方日報

賓福特今晚英超主場上演謝幕戰，球員冇心理壓力情況下，可以大踢開放式足球娛賓，佢哋尾季不時有驚喜，包括打和阿士東維拉3比3，大炒盧頓5比1，今仗無懼同紐卡素鬥攻。（Now 630周日晚11時直播）

至於紐卡素上仗2比3不敵曼聯，爭奪下屆歐洲賽入場券機會成疑，不過「喜鵲」勝在中前球員腳風順，阿歷山大伊沙克、安東尼哥頓具備上乘射術，入波機會高。加上紐卡素近4場英超有3場總入球達5球或以上，可博中位數3.5球嘅入球大。