日職補賽，川崎前鋒主場對橫濱水手。雖然兩軍都殺入亞冠精英盃8強，但聯賽表現迥異，前鋒現時位居前列，而且失波偏少，防守固若金湯係重要原因，相反水手淪落到聯賽下游，入球同失球都少，可見踢法守強攻弱，尤其是客場，各項賽事近5場作客，只入3球失4球，全開2球或以下，今仗造訪強敵必踢得更保守，2.5球入球細穩陣。（周三下午6時開賽）文:邪神
現時聯賽踢少場嘅前鋒8戰得15分，落後榜首町田澤維亞2分，換言之如果前鋒今場全取3分，就可以升上榜首做「1哥」，佢哋今季攻防數據出色，攻入14球並列日職第2，僅失5球並列日職第1，而且入球分散，宮城天、脇坂泰斗、山田新同外援艾力臣均已「開齋」，右閘三浦颯太以4個助攻在助攻榜領先，今場只要發揮正常，取勝機會好高，不過主W偏熱未必係理想選擇。
現任主帥師承修夫基
至於水手聯賽開季8戰僅得1勝，排名下滑至19位，最大問題係攻力疲弱，8場僅入4球屬聯賽最差，僅失6球則屬下游各隊中失球最少，去年底上任嘅主帥史堤夫賀蘭特係前英格蘭助教，做過修夫基副手，睇戰績似乎未適應日職環境，但修夫基嘅「悶蛋足球」就學到足，所以睇嚟今場都係悶戰居多。
