今季英超前列形勢緊湊，前半版球隊都全力爭逐歐洲賽席位，周二凌晨般尼茅夫主場迎戰富咸，係兩隊爭逐歐戰資格嘅關鍵。般尼茅夫近期狀態急跌，反而富咸愈踢愈好，受讓一球嘅讓球客勝捧得過。（Now 621周二凌晨3時直播）文:工廠仔
般尼茅夫今季一直表現出色，可惜2月份開始急速滑落，喺各項賽事已連續8場贏唔到波，西班牙領隊伊拉奧拿嘅進攻足球夠娛樂性，但防守漏洞相當明顯，連續5場都被對手攻入兩球。今場雖然主場出擊，但般尼茅夫近6次主場1和5負，士氣低落，呢3分好難袋到落袋。
般尼茅夫殘陣靠唔住
何況，般尼茅夫近期傷兵滿營，一直負傷上陣嘅賴恩基士堤終於要做手術，今季提早收咧，加上馬科斯達華尼亞同史尼斯泰拉都受傷，祖斯甸古華特亦因傷上陣成疑，戰鬥力大受削弱。
富咸目前排喺第8，仍然有機會爭逐歐洲賽事資格，球隊依家陣容齊整，兩位箭頭洛迪高梅尼斯同魯爾占美尼斯都交到貨，要擊破般尼茅夫防線唔係難事，今仗有望立於不敗之地，受讓情況梗係捧讓球客勝。
