英超強弱懸殊之戰，護級分子葉士域治主場對勁旅阿仙奴，無可否認「兵工廠」阿仙奴實力遠勝一籌，但考慮到剛踢完歐聯大戰，加上英超爭標機會渺茫，領隊阿迪達可能換輪陣容，不宜高估，就算贏都係小勝居多，客W太熱冇肉食。參考阿仙奴近6場聯賽作客總入球全開2球或以下，寧願博中位數2.5球嘅入球細。（Now 621及611周日晚9時直播）文:Mic少
葉士域治有Heart頂得住
葉士域治排尾3，已被2支主要護級競爭對手韋斯咸、狼隊拋離雙位數積分，降班只係時間問題。不過，葉士域治近期偶有佳作，包括擊敗前列球隊般尼茅夫，以及上仗打和車路士，證明球員仍然鬥心十足。事實上，葉士域治球員亦要把握餘下賽事展現實力，爭取「跳槽」機會，唔會任由阿仙奴宰割。
第2位阿仙奴落後榜首利物浦13分，基本上爭標無望，阿仙奴歐聯打入4強，餘下工作必定係集中力量爭奪呢項大賽錦標，冇必要浪費氣力大勝葉士域治，預料主帥阿迪達會安排部分主力休息。事實上，阿仙奴首循環聯賽主場僅小勝葉士域治1比0，不妨再追入球細。
