亞冠精英盃8強，4屆冠軍沙特勁旅希拉爾，將會對亞冠盃「初哥」南韓球隊ＦＣ光州，擁有星級陣容嘅希拉爾近10場亞冠盃9次半場領先，半場主勝睇高一線。（HOY TV 76台周六凌晨零時30分直播）
星級陣容勁屈機
希拉爾近年不斷收購頂級球星，喺亞冠同沙職已經係班霸級球隊，加上亞冠改制，大幅加獎金只係其次，最重要係不設外援限制，令到希拉爾重金簽入嘅魯賓尼維斯、祖奧簡斯路、馬爾干、阿歷山大米祖域及米蘭高域沙域全部都可以落場，加上沙特中立場對於希拉爾等同主場，所以佢哋贏波係正常不過。
ＦＣ光州喺亞冠盃客場表現麻麻，近3場亞冠盃作客僅得1和2負，兩場敗仗都係半場落後，今場撞正希拉爾，相信半場都守唔住。
