U21歐國盃揭幕戰，A組斯洛伐克U21對西班牙U21。「小鬥牛」實力強勁，曾5度封王，是爭標熱門之一，隊員全部來自歐洲主流聯賽，仲係所屬球隊栽培對象，今場對住東道主斯洛伐克U21，隨時上演入球騷，2.5球嘅入球大不容錯過。
（周四凌晨零時開賽）文:邪神
西班牙青訓有幾出色唔使多介紹，只得17歲嘅拉明耶馬舊年已經「跳級」捧起歐國盃冠軍，唔會再踢U21歐國盃，而事實上近4屆賽事，西班牙U21至少打入4強，獲得1冠2亞，上屆決賽不敵英格蘭U21得亞軍。
今屆西班牙U21捲土重來，即使冇耶馬，但派出星級陣容出擊依然好有睇頭，包括為代表「小鬥牛」踢25場入5球、效力皇家蘇斯達嘅中場杜列安迪斯，仲有「巴塞孖寶」謝拉特馬田同柏保路托尼，以佢哋超班嘅陣容，今場不但要打響頭炮，仲要贏得好好睇睇。
斯洛伐克主場唔會縮
斯洛伐克U21係今次賽事主辦國，作為賽事東道主，當然希望力爭勝仗，就算唔夠踢，至少都要爭取入波，因此預計佢哋必定會主動搶攻，該隊擁有卡里亞里守將阿當奧拔、基爾後衞當明歷查禾錫，戰鬥力唔會太差，佢哋近8場7次開3球或以上，對住擅攻嘅西班牙U21，入球大高唱入雲。
