U21歐國盃A組賽事，西班牙U21對意大利U21，兩隊在A組同樣兩戰全勝得6分，西班牙U21以較佳得球數暫列榜首，意大利U21排第2，已經提早雙雙出線，今場對賽屬例行公事，大可以畀主力休息，養足精神應付淘汰賽，改派副選上陣「Hea踢」，加上意大利U21近3場全開2球或以下，2.5球入球細屬首選。（周三凌晨3時開賽）文:邪神
根據賽程安排，A組同B組嘅首、次名球隊，出線後將會交叉對壘，照現時形勢推論，無論西班牙U21同意大利U21如何走線，都好大機會遇上英格蘭U21或德國U21，兩支對手同樣難打，所以根本唔需要走線，反而由於賽程頻密，畀班主力休息更實際。
睇番西班牙U21之前兩場，揭幕戰3比2險勝斯洛伐克U21，上場2比1反勝羅馬尼亞U21，兩場都喺臨完場先攻入絕殺球，消耗唔少體力，如果一班主力再唔休息，之後嘅淘汰賽就好難捱。
小意軍分組兩戰不失球
至於意大利U21就打穩陣波，兩場勝仗都係贏1比0，仲係開賽初段入波，跟住就守到尾，慳水慳力，最重要係兩場都冇失波，可見佢哋防守相當硬淨，喺提早出線之下，意大利U21可以輕鬆守和西班牙U21，為8強淘汰賽做準備，入球細穩開。
