世冠盃B組，兩支首輪輸波球隊交鋒，西雅圖海灣者主場鬥馬德里體育會。馬體會上仗慘吞巴黎聖日耳門4蛋，今輪對住同組最弱嘅海灣者，必定想大勝一場挽回面子，兼保出線希望，佢哋近5場有4場總入球開4球或以上，中位數3.5球入球大夠穩陣。
（周五早上6時開賽）文:Mic少
床單兵團攻力可靠
馬體會上場落筆打三更，為爭出線今仗不容再失，應該會使出渾身解數。「床單兵團」勝在鋒線人腳鼎盛，祖利安艾華利斯及阿歷山大索洛夫不乏數胡能力，加上經驗豐富嘅基沙文，入球能力有保證。佢哋上仗面對弗到爆嘅歐聯冠軍PSG，輸波亦無話可說，今輪對手只係美職球隊西雅圖海灣者，相信可以攞番優勢，有望大炒對手。不過中堅基文迪朗格勒停賽，防線存在隱憂，未必可以保持清白之身，有利開出大盤。
海灣者上場對住南美自由盃得主保地花高，都冇話刻意防守，最終以1比2落敗。海灣者自知實力有限，球員志在參與，壓力相對較細，自然踢得較開放，分分鐘同馬體會合演入球騷。
