淪落榜尾頑抗FC東京
日職護級大戰，橫濱水手主場對FC東京，今季表現差強人意嘅橫濱水手，早前怒炒主帥基斯諾保，佢哋最大問題係防線穿窿。FC東京同樣戰績不濟，近5場總入球4次開3球或以上，加上雙方近12次交手，有11次開3球或以上，今場「護級6分波」隨時鬥攻，2.5球入球大係最佳選擇。
（周三晚上6時30分開賽）文:邪神
其實橫濱水手成績僅次於鹿島鹿角，係日職史上成績第2佳球隊，總共獲得5冠5亞，前季仲同神戶勝利船爭奪聯賽冠軍。雖然水手上季成績稍有回落，但勢估唔到今季改由前修夫基副手賀蘭特執教會搞成咁；會方喺4月急換帥，改由澳籍嘅基斯諾保接手，但點執都係唔掂，於是再換帥，可見球隊內部幾咁混亂，成績亦跌入谷底，近14場只有1場冇失波，共失28球，成績係2勝1和11負，難怪繼續排包尾，再咁落去隨時降班。為保住來季日職席位，水手嚟緊場場都係生死戰，一定豁出去搶分。
新帥領軍能力存疑
怒炒基斯諾保後，橫濱水手暫時由球隊名宿大島秀夫接手，45歲嘅大島秀夫並無職業球隊領軍經驗，上場剛接手就喺主場0比1輸畀下游嘅岡山綠雉，今場對排名更低嘅FC東京，若然再輸真係後果不敢想像。
今場作客嘅FC東京近況亦唔多掂，目前徘徊聯賽榜下游排名17，但佢哋勝在有一定入球能力，近期頻頻開大盤，今場對住落難豪門橫濱水手肯定踩多兩腳，預計今場入波唔會少，入球大值得捧場。
