周一黃昏有幾場女子韓職，次席嘅首爾城女足主場迎戰水原FC女足。首爾城女足聯賽只曾一敗，賽績睇嚟好似好靚仔，但近6場和咗5次，反映球隊狀態唔算好。水原FC女足近況唔曳，近4場2勝2和，有力搶分，讓球盤水原今場受讓一球，下盤要捧。（周一晚6時開賽）文:渡邊年
首爾城女足開咧好順利，頭5場4勝1和，一路盤據榜首，但之後經常和波，近9場3勝6和，如果只睇近6場，更只得1勝5和，無啦啦失咗10分，喺瘋狂失分之下，畀榜首嘅華川FC女足拋離足足8分。球隊近期防守出現問題，全季只失14球，但上述6場已經失咗5球，今場對住水原FC女足，未必能夠保持不失。
水原FC女足係上季亞軍，但季初表現令人失望，球隊上半場集中力不足，往往早段失大意波，搞到自己追唔番。近期球隊表現有起色，近4場2勝2和，只失2球，今場作客有力搶分而回，受讓必捧下盤。
世宗鬥仁川細在必行
同時間仲有場好路嘅，世宗FC女足對仁川制鐵女足。世宗FC女足係女子韓職每場平均入球數排尾二球隊，仁川制鐵女足就係聯賽失球最少球隊，兩軍碰頭相信都係悶戰居多，推介用2.5球入球細做過關變倍器。（周一晚6時開賽）
